陳法拉與陳豪昨日到沙田馬場出席香港賽馬會舉行的《愛彼錶女皇盃》，並即場示範名錶，趙世曾與新女友隋麗娜、女兒趙式芝、兒子趙式浩、貝安琪、蔡加頌夫婦及邱子傑夫婦等亦有出席。

蔡加頌與懷孕四個多月的太太出席活動，他坦言希望今胎是女。

趙世曾再拖新歡隋麗娜出現，旁為疑似與尹子維蜜運中的貝安琪（右）。

早前傳已跟Neway太子爺薛世恒秘密結婚的法拉，穿上Deep V裙亮相，見其胸前黐了膠紙，她解繹：「最近瘦咗，尋日啱啱拍完套劇就即刻發燒，依家都有唔舒服。（老公有冇氹番你？）吓！咁講嘅？」她只表示在家中睡覺休息，亦不敢告知家人，免他們擔心。

「好多Pair都係咁」

當問到對於日前吳彥祖與Lisa S.也爆出瞞婚一事，原本笑容滿面的法拉突然黑面，她說：「我有見到佢兩個喺南非結咗婚（嘅報道），恭喜佢哋。佢哋唔講係佢哋嘅選擇，咁多Pair都選擇呢個方式係有原因，藝人都係身不由己，不過結婚都係開心事。（唔講會唔會覺得對Fans唔公平？）私人事某程度冇需要同公眾交代。」