組成近30年的TFF現正與另一80年代勁旅Spandau Ballet在澳洲舉行巡迴演唱會，TFF成員Curt接受本報越洋訪問時表示，與Spandau Ballet早已認識，加上大家有共同歌迷，故一拍即合。下月6日首度來港開騷的他說：「屆時會新舊歌共冶一爐，仲會唱一首從未灌錄過嘅新歌。」

惋惜布妲妮猝逝

目前作個人發展的Curt自爆，與女兒均喜歡話題人氣歌手Lady GaGa：「囡囡唔係我嘅Fans，我情人節先帶佢哋睇Justin Bieber（新偶像）嘅演唱會，遲啲又會同佢哋去參與《一夜成名》。」對於與拍檔Roland Orzabal泯恩仇重組，Curt憶述二人於99年重聚後相處融洽，還灌了新歌《Closest Thing to Heaven》，並找來已故女星布妲妮梅菲拍攝MV，他表示布妲妮是樂隊的忠實Fans，對她英年早逝感可惜。

雖然Curt已歸化美籍，但仍力捧英超勁旅曼聯及英格蘭，更買洛杉磯銀河的季票定期欣賞賽事，出錢出力捧碧咸場，他表示雖然主將碧咸因傷缺席南非世界盃，但英格蘭一樣掂：「如果朗尼弗嘅話應該冇問題，我哋有個好領隊，少咗佢（碧咸）問題唔大，我知佢想爭取四度入選世界盃，我都戥佢可惜！」