憑《如果我是陳奕迅》熱爆樂壇的樂隊Mr.，將於下月7日推出演唱會DVD，令他們十分期待，主音Alan表示碟內收錄了五人最真實嘅一面︰「裏面有好多我破音同走音嘅片段，希望大家唔會介意。雖然個騷完咗個幾月，但當晚印象好深刻，我喺台上唔記得要做嘅動作，依家睇番覺得好搞笑！」他們又感謝校長譚詠麟、樂隊LMF落力演出及陳奕迅撐場。最後感謝當晚捧場的粉絲︰「見到啲家長帶埋小朋友入嚟，真係估唔到，仲諗住啲家長會驚Band騷嘈同埋教壞細路。」