有「翻版大S」之稱的o靚模李莉琳（Liz），外形嬌小玲瓏，樣子甜美，理應惹來不少狂蜂浪蝶，但Liz卻直言身邊沒有追求者：「我20歲時有諗過結婚，因為媽咪都係早婚嘅人，但我依家冇諗，因為連追求嘅人都冇，好似沙漠咁Dry咗兩年，但又唔係要求好高。」提到擇偶條件，Liz希望男友思想成熟、有才華、孝順及有上進心，但不需要靚仔，因她覺得靚仔沒有安全感。Liz又不介意與圈內人拍拖：「唔抗拒，亦冇所謂，有拍拖會公開。」

Liz和Ricky默契一流，拍照時與「新婚夫婦」無異。

兩年未有拍拖的Liz自認Dry爆，急急尋覓另一半。

催谷「事業線」

最近Liz與DJ范振鋒（Ricky）為「芝柏」婚紗拍攝平面廣告，日前二人到婚紗店試婚紗及禮服。雖然一對「新人」首次合作，但默契十足，又當眾做出親密舉動，如Ricky輕攬Liz纖腰等，期間她還擺出淘氣、憧憬及可愛表情，可謂七情上面。Liz在店內連試近30套婚紗及晚裝，還谷出「事業線」，惟她謙稱身材一般：「婚紗本身有墊！所以效果好勁，其實我身材唔算勁！」但Ricky則盛讚「新娘子」漂亮及身材好：「我第一次影結婚相，感覺唔錯。」