楊愛瑾（Miki）及董敏莉（Monie）正閉關排練舞台劇，對於首次演舞台劇，Miki大感緊張：「今次嘅《新愛的，維多利亞》係音樂舞台劇，我係舞台劇初哥，好耐之前做過森美小儀嗰套，但今次好緊張，自己記性差，擔心記得台詞時又忘記走位，拍戲好辛苦先記完劇本，再融入角色！」

Miki（右）在舞台劇中演怨婦，而Monie則演為錢與老公反目的小女人。

首次演舞台劇的Miki，要好友Monie從旁教路。

出書分享拍拖心得

而Monie在半年內演兩套舞台劇，她自認是「全職舞台劇演員」，更自言今次終於可以做「人」：「演戲唔係易如反掌，每套劇都唔同，以前都係做仙女嘅抽離角色，今次終於做番人！」

即將出書的Miki表示，今次是她首次出書，會在書中大談拍拖心得及竅門，主持陳振安即場向「愛情專家」請教結識太子爺的秘訣，Miki聽到緋聞男友即尷尬不已，但最後也坦白地承認郭永淳是交心的知己：「唔一定係太子爺，同男性相處要有距離，唔需要一下子擺晒全部嘢出嚟！」想聽聽Miki與Monie兩位靚女的愛情觀，想學Miki如何吸引男性及Monie認蜜運，盡快登入ontv收看《娛樂on Show》啦！