馬德鐘與陳敏之在劇集《搜下留情》中與陳慧珊陷入三角戀，現實中追求簡單關係的陳敏之表示，絕不讓自己陷入三角關係：「以前有個男友識咗第二個，畀我知道咗，我即刻飛咗佢！」談及擇偶條件，她表示馬德鐘類型是上佳之選：「好似阿Joe（馬德鐘）咁就最好喇！有上進心又顧家，對老婆又細心，你有冇見過男人會幫老婆整頭髮吖？阿Joe好叻o架！」二人在劇中有不少親熱戲，問到會否因老友而格外尷尬，陳敏之說：「唔會，反而事前唔使特登溝通，好放心，因為有默契，拍起上嚟好自然！」

戇男被撬牆腳

至於公認是型男的馬德鐘，想不到年輕時是「戇男」一名，戀愛失敗居多，他說：「以前都試過三角關係，但次次都係我輸，因為以前太瘦削，又細膽，最緊要係講嘢唔得，唔識氹女仔，所以女友都畀人撬走，入咗行之後成熟咗，講嘢先慢慢有改善。」

陳敏之與馬德鐘默契十足，拍親熱戲亦沒有難度。

馬德鐘自爆年輕時十分「薯嘜」，經常在情場碰釘！