阿B與范姜前晚在深灣遊艇俱樂部，為細女鍾幗舉行《百日幗宴》，好友譚詠麟（阿倫）、彭健新、李克勤與錢國偉等到賀。

拖着媽咪的鍾懿，上車前興奮地揮手。

行色匆匆的克勤，與阿倫出席B女百日宴。

阿B表示筵開近20席：「鍾懿表演唱歌，我會做愛心伴奏，仲有幾隊Band嚟咗，溫拿難得人齊，今晚會夾Band。（唱兒歌？）乜都唱。（收到咩禮物？）好多都係現兜兜，咁就最好。（你送咩畀囡囡？）唔需要。好多朋友做咗爺爺，又話抱孫又話上岸，我啱啱先再做老竇，但都係開心事！」他表示鍾幗很大隻，重12磅，穿6個月大的BB衫也很窄，還笑言范姜未收身，所以怕醜不受訪。

放大圖片	捲入涉貪案的錢國偉低調到賀，未有受訪。

克勤到賀10分鐘

其後，阿B抱起鍾懿受訪，問到是否喜歡妹妹，鍾懿大聲說：「好錫BB！（點錫？）好肉緊咁錫！（畀晒啲玩具妹妹？）唔會……會。」她更即時唱出兩首歌，阿B笑說：「佢一唱歌就唱唔停，會唱足5分鐘。」另外，獨自到賀的李克勤逗留10分鐘便離開，他表示太太在家湊BB，所以由他做代表，並表示不會為細仔舉行百日宴。