昨日蔣怡（CoCo）為「路易威登2010初秋系列」擔任模特兒示範新裝，近期回流返港的她正為有線拍飲食節目，稍後會主持世界盃，她說：「我最近成日做主持同拍劇，已經好少做模特兒方面嘅工作，今次唔係好慣，着咗對高踭鞋成日，依家對腳都有少少抽筋。」
今次返港，她將會作長期逗留，最開心的是香港設計師男友翁狄森及其愛犬，問到跟男友何時拉埋天窗？她自言一向有計劃，只是對方未有行動，而她的夢想婚禮原來跟Lisa S.十分相似：「我搞婚禮嘅話，希望唔好同佢嗰個咁似，可能會比佢更加Wild！會有啲好似鱷魚同蜘蛛咁嘅嘢！」
