昨日莫文蔚、梁詠琪（GiGi）、內地影星李小冉和姚晨現身上海，為手袋品牌Coach內地第一家旗艦店開幕助陣。心情大靚的莫文蔚提到與張亞東的緋聞時，未有避忌大方回應，問到張亞東才華洋溢，會否有機會發展成情侶，她說：「我都好有才華，身邊嘅朋友都好有才華。」並自爆兩人在音樂上的默契：「不過喺音樂上真係好夾！」追問是否擦出愛火時，她打趣說：「音樂上有，感情上就冇！」

李小冉與姚晨盛裝出席品牌開幕活動。

放大圖片

不收埋戀情

對於藝人瞞婚愈揭愈多，莫文蔚坦言從不刻意收埋或公開感情事，投入工作的她，即使沒有愛情滋潤也不覺Dry。

至於GiGi身穿通花透視短裙，比起莫文蔚的紅白色背心裙更有睇頭，不過GiGi謙稱只是驟眼看性感，因為有着Tube Top打底：「大家都係靚女。（覺得同莫文蔚有乜唔同？）佢感覺比較性感，我比較清純。」她又表示有意出書：「最近喺微博寫嘢，寫到有手癮！」另外，GiGi自爆為大會設計的慈善手袋獲品牌總裁睇中：「袋上面嘅女仔係我畫緊自己思念一個人嘅樣。」但否認思春。