通常啲港姐、華姐同亞姐當選之後，電視台都會安排佢哋兩個、兩個咁同居，慳錢之餘，話晒人生路不熟，都有個照應，小小So都讚Good！好似亞姐顏子菲咁，佢依家同另一位亞姐姚佳雯一齊住，雖然顏子菲屋企環境唔錯，三代都做醫生，太公開醫館、婆婆係眼科醫生、公公係心臟科醫生，媽咪同爸爸分別做牙醫同中醫，不過佢一個人嚟到香港，都要頂硬上，學吓照顧自己！
不過，顏子菲同小小So講，佢屋企不知幾亂，加上佢哋張碌架床瞓得太唔舒服，搞到腰骨痛兼神經出問題，忍咗好耐先肯換床！顏子菲最近識咗個做幕後嘅男友，小小So問佢點解唔搬去男友屋企？點知佢好緊張咁話：「住宿舍唔使錢吖嘛！（男友屋企都唔使錢？）唔得，阿媽唔畀o架！畀佢知道我死梗呀！」小小So以為佢一個人喺香港冇人管 ，原來仲畀媽咪(目及)實！