何嘉兒（Sweet）染了一頭金髮，又愛作性感打扮，形象十足「台妹」，原來她很愛看台劇，她說：「我最近睇緊《下一站，幸福》，有時都會睇吓日本同台灣嘅時裝雜誌，模仿佢哋嘅打扮。」她將聯同師姐Rainbow及幾位模往日本拍寫真，預計在書展推出，她們更會以不同形象示人，務求吸引不同類型的男士：「依家仲未決定走咩路線，但應該係日本妹或者台灣妹，會又Sweet又性感！」

Sweet向台、日Model偷師，自我增值。

Sweet將於書展推出寫真集，走甜美、性感路線。

死守金口唔唱歌

外表斯文的Sweet性格慢熱，對於首次見面的人，她會顯得很害羞，但只要多見幾次，她便變得無所不談。對於師姐Rainbow跳入樂壇，她表示未必會嘗試，因從小到大都不會唱歌：「我連沖涼哼歌都唔會，亦冇試過唱K，如果音樂堂要考唱歌，我寧願攞零分都唔唱！」

成為模特兒後，她自爆成為老師的針對目標：「有時我冇化妝，啲老師都會話我有化，試過有次卸妝卸剩條下眼線，即刻畀老師鬧！」