昨日徐子珊身穿Helmut Lang貼身裙出席鞋履專門店開幕活動，罕有地騷「事業線」的她笑言，性感全因受王祖藍「啟發」：「王祖藍成日喺節目度模仿人哋，個個都好身材，所以我今日都性感少少！」她又大讚鄭欣宜模仿她冇得頂，席間大會還安排一名年僅四歲半的小女孩模仿她唱《Hit Me》，令子珊笑不攏嘴。
對於有傳周潤發將在貝沙灣購買獨立屋，有機會與她為鄰，子珊說：「好榮幸！我係租嘅，同發哥冇得比！（考慮置業？）咁要多啲工作儲錢，發哥嗰啲係獨立屋，億億聲，我要發夢先買到！」此外，她透露家中有逾百對鞋，問到是否購物狂？她說：「入行後真係買多咗衫！」
