21/04/2010

播放本新聞相關短片

羽翹裝大眼慘變角膜炎

羽翹昨日與助手到養和醫院,見她不時滴眼藥水,又在右眼眉骨位置貼上退熱貼,她解釋患上角膜炎:「前日去完洪杰個發布會,個頭痛到爆,塊面又腫到豬頭咁,我初時以為感冒,第二朝起身兩隻眼紅晒,好恐怖!醫生懷疑係戴『大眼仔』同Color Con引致,眼球轉唔到左右,望嘢要用個頭嚟就,醫生開咗眼藥水畀我,等對眼滋潤啲,睇完醫生已經即刻買咗普通即棄型隱形眼鏡,會減少戴『大眼仔』。(洪杰慰問你?)冇,遲啲同佢追人情債!」