娛樂圈流行秘密結婚，不過敢作敢為的樂基兒，很有可能會帶起另一個潮流─秘密生BB！昨日她為Lalique擔任模特兒，談到剛生BB的Model好友Danielle近日出山，她表示還未跟對方見面，但已率先見過BB，大讚可愛。問到會否想當媽媽？她說：「順其自然啦！（冇計劃？）未有！（意外呢？）要真係有意外先知喎！（依家係咪好安全？）太私人喇！（簽約黎明公司有冇唔准你生BB？）冇呢條例。」
問到曾經秘密結婚的她可會秘密生BB？樂基兒笑說：「咁呢樣就有可能，到時未必會同你哋講。（唔見你十個月就係去咗生BB？）最少都要六個月啦！如果你哋唔見我六個月以上就可以寫我生BB，但三個月都唔可以，因為我有時放假都會放三個月，返嚟肥咗都唔可以話我有咗！」