21/04/2010

播放本新聞相關短片

JC學Lisa S.秘密結Fun

本文重點
名模Lisa S.與吳彥祖被踢爆瞞婚後,同行Amanda S.和Jessica C.對此各持相反態度!前者自爆是「大口」一族,結婚一定瞞不到,揚言未婚懷孕機會大;後者則表明效法Lisa S.!

早前吳彥祖(Daniel)與Lisa S.秘密結婚,再引起藝人瞞婚熱話!Amanda S.前晚與男友Christian出席香港崇德社《影子滅殺令》慈善首映時,對於好友Lisa「瞞婚」,她坦言睇報紙才知他們拉埋天窗,不過卻沒有生氣反替兩人說好話:「佢哋拍咗咁多年拖,已經預計到佢哋結婚,Daniel好出名,Lisa又係藝人,佢哋都需要私隱。」Amanda自認是「大口」一族,承諾會公開婚訊:「結婚一定公開,我哋冇所謂,傳媒開心做到嘢就OK!」不過,她卻未有結婚計劃:「我覺得我有BB先過結婚,可能會生BB先!」她笑言與男友拍拖及同居多時,難以想像婚後的生活,更謂將來結婚時與Christian簽字及與密友食餐飯便算。

另一邊廂,警鐘胸Jessica C.(JC)昨日出席《2010 Mega Ice五人冰球賽》發布會,對於Lisa秘密結婚,她坦言日後結婚也可能會暗中進行,婚後才公布。提到Lisa向記者講大話自稱未婚,Jessica認為每個人做事也有原因,不過她強調:「如果男友向我求婚,我一定會講。(你有冇結婚計劃?)我想喺熱帶地方結婚,最好搞個沙灘婚禮就完美!不過,我好滿意依家同男友嘅關係,唔想咁早結婚住。」

生日男友送驚喜

另外,上周日是Jessica的22歲生日,她稱當日在菲律賓與男友度過,男友給她一個大驚喜,她說:「我原本以為生日會喺香港過,但星期五晚男友突然同我去菲律賓旅行慶祝生日,係我人生最大驚喜!(有冇向你求婚?)冇!但做咗好多Sweet嘅嘢,佢仲送咗隻健康手鈪畀我。」說罷便揚起手上戴着的手鈪,大晒甜蜜!

名人組