角逐今屆金像獎「最佳新演員」的08年《中華小姐》冠軍朱璇，憑電影《淚王子》備受注目，她表示看畢其他對手的電影，最睇好師姐陳法拉，她笑說：「其實對自己都有信心，可惜呢部係國語片，相對冇咁着數，所以較睇好法拉，覺得佢演得好穩定，完全掌握到個角色，而導演獎當然係支持楊凡啦！」問到心情是否很緊張？她說：「之前去過威尼斯影展參賽，雖然攞唔到獎，但係一次好好經驗，今次都唔會太緊張，有得提名已經好開心。」
朱璇透露今晚將穿着一襲富中國特色的服裝示人，但她自嘲身材不夠豐滿，性感不來：「希望有番個人特色，令其他導演對我有更深印象。」
