本文重點
模特兒Lisa S.和吳彥祖（Daniel）婚訊曝光，Lisa的模界好友均戥他們開心，身為Lisa好友之一的陳嘉容，以超開心及好感動來形容：「我今日（昨日）打畀Lisa話佢哋好靚，Daniel喺旁邊，好開心咁話多謝。Lisa一早想結婚，因為想生BB，佢哋嘅BB一定好靚，我想做BB嘅契媽。」姚予晴（Mikki）則恭喜他們有情人終成眷屬，又認同先婚後公開的做法：「可能咁冇咁大壓力，如果我結婚都可能會咁做。」而貝安琪亦大叫開心：「希望佢哋生多啲小朋友。（佢哋秘密結婚？）可能覺得未係時候講住。」她覺得南非很浪漫，在外地結婚特別好玩。
馬詩慧：佢想畀驚喜大家
至於蔣怡得知Lisa在南非結婚時說：「我個創意畀佢哋攞咗，我都想喺非洲結婚。」她認為對方婚前不公開婚訊有自己的理由，但她會選擇公開。同場的莊思敏則大讚兩人感覺很甜蜜，並希望他們早日生BB。
此外，兩位前輩級模特兒亦戥Lisa開心，琦琦大讚一對新人襯到絕，馬詩慧對於日前Lisa在公開活動上講大話聲稱未婚，她笑說：「可能佢想畀驚喜大家，等大家寫多幾日呢！」