近年在廣告界出位的霸王品牌，向來出手闊綽，以銀彈攻勢邀請巨星任代言人，繼早年成龍「動L」及王菲出山之作後，品牌更開拓飲品巿場推出涼茶，並看中甄子丹正派宗師形象而邀任代言人。有傳甄子丹以王菲同樣的二千萬元酬勞接拍硬照及電視廣告，對此他說：「點解你哋知嘅？邊有咁高酬勞呀！下下講到咁多，稅局實追死我。」他又風趣地賣花讚花香：「涼茶降火，我都係飲咗涼茶先由宇宙返番嚟地球。（係咪降埋慾火，同老婆分隔兩地都OK？）咁都畀你諗到！」

廣告將乘着甄子丹新作《葉問2》於本月底上映之勢，緊接於下月初推出，而他至今代言的產品可謂由頭到腳都有，繼早前的激凸內褲，更有服裝、牛仔褲及洗頭水等，據知目前還有手錶、日用品及汽車廣告斟洽中，可見其吸金能力！

藉名氣多行善

問到是否以退休為目標，故積極搵錢？甄子丹否認，並表示現時最想藉知名度做更多善事：「其實我最想趁自己有能力嘅時候做多啲善事，多啲幫到有需要嘅人，最近都做咗紅十字會中國大使，希望盡到自己一分力啦！」