港姐追求美貌與智慧並重，袁嘉敏（Candy）的外貌毋庸置疑，她亦不時睇書增值，最愛瓊瑤及亦舒的著作：「我最鍾意睇瓊瑤嘅書，當中《剪不斷的鄉愁》講述佢細個喺內地生活、同埋打仗嘅經歷，係佢少有嘅自傳，不過好多香港書店都冇得賣！」她不僅喜歡看書，原來還有鋪儲書癮：「我由11歲開始儲書，我84年出世，最鍾意搵番同期作品，好似70年代尾至80年代頭嗰段時期。之前我喺澳洲讀書，放假返港會去旺角同摩囉街嘅攤檔搵舊書！」

發黃別具情調

Candy對舊書情有獨鍾，全因情調及絕版封面：「雖然我啲書發晒黃，不過佢哋好乾淨，冇畀人High-light同寫字，加上佢哋係前輩嘅仔女睇過，依家畀我收藏咗，好有情調！」她更為水和田的畫作而儲書：「以前亦舒啲書係用佢嘅畫做封面，不過新書已經唔係！」

Candy珍藏多多，可惜四散在不同地方：「瓊瑤同亦舒嘅書加埋有成6、70本，不過有啲放喺澳洲，有啲喺舅父個車房度，希望佢哋冇爛啦！」她希望早日與它們重聚：「我想返澳洲拎番啲書，仲想有間200呎嘅房放書同梳化，等我可以坐喺度睇書！」