明星偶像都係人，尤其喺呢個圈浮浮沉沉，少少迷信都會有，就連本身係天主教徒嘅陳志雲，最近遇到煩惱都會搵密宗師傅幫幫忙。小小So最近發現台灣型男、人氣偶像劇《命中注定我愛你》男主角阮經天（小天），左手無名指戴咗一隻銀色戒指，冇花冇款，嚴格嚟講好似結婚戒指咁樣，同佢一身型仔潮人打扮非常唔襯，唔通小天因為最近被踢爆拖女酒店開房單嘢，激親女友許瑋甯，要用結婚補鑊？小小So趁小天近日嚟香港宣傳台灣蠱惑片《艋舺》，就當面問清楚佢。
小小So：小天，為甚麼你悄悄結婚？
小 天：我哪有？
小小So：你左手戴了結婚戒指耶！
小 天：噢！你誤會了，這個不是婚戒。因為我的手指之間不貼，我會漏財，所以大師吩咐我戴一隻銀色戒指在無名指上填補，他更說會對我在娛樂圈發展有幫助，所以我戴了。
小小So：真的嗎？
小 天：真的，你可以翻看我兩年前的寫真集，我都有戴，就是那時候戴了戒指，《命中注定我愛你》大賣，我也一直賺錢到現在。雖然跟我的穿衣品味很不配，都不敢除掉。要是我要結婚，我一定公開，因為謊話穿了很糗！