影后靚靚自誕下兒子張慕童（魔童）後，火爆性格已改變不少，多次揚言要盡快追個女的她，刻意減少工作，配合復出樂壇的老公Chilam全力造人。其實，靚靚對年僅三歲的「魔童」寵愛有加，兩母子經常被拍得齊齊行街，雖然「魔童」愈大愈可愛，但靚靚不欲兒子曝光，每次均為他遮面避記者。

靚靚一個箭步行先，Chilam則做「跟得老公」。

「魔童」病到冇厘神氣，難怪靚靚憂心不已。

雞咁腳按機磅水

日前約凌晨一時許，Chilam與靚靚抱着愛兒現身養和醫院，只見平時精靈的「魔童」，沒精打采地伏在父親的膊頭上，靚靚則忙於為囝囝登記輪候，未幾，他們進入其中一間診症室，約十分鐘後，即回到大堂等候取藥。期間靚靚發現沒有帶備足夠現金，向老公交代一聲後，即急急腳到醫院內的櫃員機提款，然後匆匆返回愛兒身邊。當護士叫名時，靚靚第一時間到取藥處付款，Man爆的Chilam則全程抱實囝囝，盡顯慈父本色。

靚靚見「魔童」沒精打采，即搞Gag氹愛兒。

靚靚發現沒有帶備足夠現金，即往櫃員機拿錢。

「騎膊馬」睇比賽

當他們離開醫院步往停車場取車時，靚靚繼續大晒母愛，沿途不但安慰抱恙的囝囝，更不斷講笑話逗他開心，而深得父母疼錫的「魔童」亦相當乖巧，最後他們駕車返回半山寓所。數日後，Chilam晨早帶着病愈的「魔童」出席幼稚園舉行的運動日，雖然兩父子沒有落場，但仍「騎膊馬」在旁觀看比賽，場面溫馨，同場還有名模歐陽妙芝及兒子。

歐陽妙芝帶同兒子出席幼稚園的運動日。

病愈的「魔童」與Chilam「騎膊馬」睇比賽。