杜汶澤、吳卓羲及文詠珊（Janice Man）昨日出席電影《外星51》宣傳活動。談到近日模界興起紋身熱，JM表示天生有遺傳病，令她對這玩意卻步﹕「我只要跌傷、整親，有疤痕就會好難愈合，仲終身留痕，所以爸爸一直好保護我，覺得自己似玻璃人。（將來生仔點算？）我都唔敢諗呢個問題，不過我鍾意小朋友，或者到咗嗰個階段會另有想法呢！」對於Angelababy豐胸成功，JM表示不羨慕，很滿意自己的身形。
杜汶澤日前於微博內轉貼梁詠琪談毒奶粉事件的文章，隨即在不獲通知下遭「河蟹」，他對此抱平常心﹕「只係有啲唔習慣，國有國法嘛！有影迷留言，叫我哋藝人最好只談飲食，但我覺得每個人都可以關心國家啫！（唔玩微博抗議？）唔會，總之我有我留言、佢有佢Delete囉！唔上心就冇事。」