李克勤再添丁，陳慧琳笑言將來會約克勤兩個兒子Ryan及Rex與她的兒子劉昇一齊踢波。克勤老友譚詠麟、容祖兒及宣萱早就接到喜訊，身在內地的阿倫笑說：「恭喜咗，我忍得好辛苦，差啲發開口夢爆咗出嚟，依家佢公開咗，返嚟就可以去探佢。（送禮？）睇佢鍾意乜再去打造。」祖兒都感染到克勤的喜悅：「好開心知佢又添一丁，佢係好好爹哋，打畀佢都話唔傾得，趕住餵奶。」老友宣萱覺得送尿片給克勤最實用：「佢乜都有，實用啲好。（叫佢追多個女？）雖然兩個夠晒數，但有個女好玩啲，我都鍾意女多啲。」梁榮忠則建議克勤繼續生：「努力一路生落去，仲可以追個女。」克勤的鄰居好友汪明荃笑說：「好開心，要畀封大利是佢，得閒會過去探佢。」至於陳奕迅送祝福之餘，問他會否學克勤生多個？他笑說：「會努力，放心。」