07/04/2010

播放本新聞相關短片

湯盈盈着Boot跳舞扮祖兒呻難

湯盈盈以嘉賓身份亮相《荃加福祿壽》，穿上六吋高踭長Boot模仿容祖兒，與一班舞蹈員又唱又跳兼一字馬！盈盈表示難度最高是穿着長Boot跳舞：「企都企唔穩呀！仲要跳舞都唔知點做！之前綵排都拗柴，我仲要做一字馬，着咗條打底褲唔怕走光。（擔心令對方歌迷不滿？）我會盡力去演o架！祖兒係天后，我嘅演出始終都係爭少少。」至於有否壓力？盈盈笑言最擔心不合格及出醜：「我唔會醜化佢，希望冇人投訴啦！」