昨日BIG FOUR四子舉行簽唱會，並與歌迷大玩遊戲。玩「估歌仔」時，音樂播出張衞健（Dicky）的《你愛我像誰》，一名少女歌迷搶答，但忘記歌詞，只以「啦啦啦」帶過，Dicky即笑住勸對方多讀書，但少女竟回敬一句：「你都唔係我嘅年代！」惹得全場爆笑，許志安、蘇永康及梁漢文亦立即彈開避免遭波及，Dicky則說：「我做唔做到你爹哋呀？」但少女反擊再寸爆Dicky說：「我爹哋仲後生過你！」雖然當眾被寸年紀大，但Dicky大方跟少女合照時，還認對方為孫女，認真搞笑。

Dicky被寸年紀大，笑得非常尷尬。

忙宣傳新碟外，四子稍後會為無綫錄影節目。

自認跨世紀解窘

Dicky事後說：「我哋係跨世紀嘅！（Hurt唔Hurt？）我幾欣賞呢個阿妹，佢好有急才，冇諗過會遇到對手，臥虎藏龍呀！」四子表示忙巡迴演唱會前，會錄TVB用來頂替《志雲飯局》的節目，並會用盡人情牌邀圈中好友受訪。

另外，本報讀者電郵爆料，指安仔與曾拍拖多年的舊愛秘密於97年在韓國結婚，安仔聞言突然語塞，又不時用手捽鼻，只說：「唔使理，不用理會！（有冇結婚？）冇！」

爆料編號：irepore_00022386