樂基兒昨日為《香港佳士得2010年瑰麗珠寶及翡翠首飾春拍》預展示範價值接近二億元的珠寶，記者取笑她戴了一層超級「豪宅」上身？她笑說：「係呀！好開心，未試過戴咁貴嘅珠寶，特別鍾意身上嘅翡翠頸鏈，因為鍾意綠色，細個媽咪都有送過畀我，朋友有小朋友都會送玉。」她透露現時喜歡收藏首飾：「其實年紀細時都鍾意首飾，不過人大咗口味唔同，會鍾意唔同嘅類型。」

問到是否有興趣設計珠寶？Gaile說：「冇諗，不過有機會都唔介意，我每個月都有嘢想做，最近想做時裝編輯，好鍾意時裝，而且自己都有創意。」她更表示已經「見工」，有雜誌願聘請她，只要她點頭即可上班：「我唔會收好貴，只要正常人工就OK。（黎明知唔知你想做？）佢知，不過佢覺得我個個月都唔同。」

老公送巨鑽心甜

另外，問到黎明可有送她巨鑽，她甜笑說：「OKo架！（最貴係婚戒？）冇真正問過價，但我諗佢送畀我嘅嘢，加埋先等於今日示範嘅戒指咁大，希望有機會戴畀大家睇吓，不過最重要都係心意。」她又指與黎明同樣甚少戴婚戒，因為工作不方便，而且擔心遺失。