冼色麗（Bonnie）近日演出話題電影《囡囡》，與詩雅等大膽扮「援交女」，有別過往甜姐兒的形象，戲中Bonnie要打扮性感，甚至全裸上陣，相當出位！現實中，Bonnie勁Buy日系時裝，今季極之流行的牛仔風，是她入貨之選，她說：「我睇好多日本雜誌，真係好興呢類牛仔Look，特別係襯碎花圖案嘅上衣或連身裙，感覺好Kawaii。」

外表甜美可人的Bonnie，為多個日系品牌如Duras、DazzliN'、Laguna Moon及Panaji作示範，當中有大量淺牛仔布系列外套或短裙，可配搭出不同感覺。將碎花系列上衣或連身裙，加上牛仔外套，帶出清新春日感覺，她說：「今季淺藍色勁Hit，我見到好多衫同袋都係淺藍色，而碎花裙亦係今季必買，但其實碎花都幾易着得娘，我覺得要慢慢揀啱顏色同圖案。」

Duras牛仔恤衫 $939Duras白色長Tee $819	Laguna Moon藍色外套$1,099Laguna Moon灰白色Tee$459Laguna Moon牛仔短褲$799手袋$899	DazzliN'牛仔褸$939DazzliN'碎花連身短裙$819

石磨藍短褲添型格

正如Bonnie所言，花花圖案未必是潮女的心頭好，淺色石磨藍短褲便有型有款，她說：「我幾鍾意Laguna Moon呢個牌子，佢件寶藍色外套超型，仲着到好Slim，配石磨藍短褲啱晒去Party啦！」

Kelly搶閘着潮牛

港女一向視日本為潮聖地，早前Angelababy、周秀娜等為東京TGC時裝騷行騷，亦發現多位日模以牛女Look登場。而這股牛仔風更吹至歐洲，連國際名牌D & G今季亦大玩牛仔系列，由潮媽陳慧琳（Kelly）率先示範！