早前A. Lin、DaDa和Bro5到「奧海城海洋微妙世界」參觀，眾人走進展覽館看見長達24呎的大型小鬚鯨標本時即狂問：「係咪真㗎？」當信和物業管理有限公司總經理（商場推廣）蘇蔡潔蓮表示是真標本時，他們均感到非常驚訝。

A. Lin百感交集地說：「我見到鯨魚好開心，但又好擔心佢哋瀕臨絕種！」原來她一直渴望見到鯨魚，更想到日本觀鯨，可惜一直沒有機會：「冇諗過第一次睇鯨魚會喺香港，不過佢哋好慘，居住環境被破壞，又畀人類捕殺，搞到數量愈嚟愈少，再咁樣落去，真係未必有機會再見到真鯨魚喺大海暢泳喇！」而蘇蔡潔蓮則表示棱皮龜將在30年內滅絕：「因為佢哋誤以為膠袋係水母，食咗塞住內臟而死。」

素翅代替魚翅

A. Lin、DaDa及Bro5參觀後均異口同聲表示要馬上行動，保護海洋，DaDa說：「要少用膠袋，不但可以幫到海洋生物，仲可以減少廢物污染。」而Bro5則從食物方面入手，例如用素翅代替魚翅，減少捕殺鯊魚。