陳慧琳與鄧麗欣（Stephy）昨日分別出席活動，二人不約而同表示被Sa基離婚記者會感動。以軍綠色Marc Jacobs外套襯碎花熱褲的Kelly，為新碟《微光》舉行簽唱會，對於Ronald與阿Sa宣布離婚，她說：「我尋日睇電視見佢兩個都喊晒，好似唔捨得大家，不如互相畀機會大家，唔好咁快離婚住！考慮清楚先簽紙。」她又透過傳媒向二人送上祝福，大受感動的她還說：「見到Ronald喊成咁我都忍唔住喊，覺得佢好慘！（外傳佢花弗？）傳啫！事實係點兩個人先知，唔好畀咁多壓力佢哋，等佢哋自由發揮。」

Kelly舉行簽唱會，吸引大批Fans撐場。	為報答Fans支持，Kelly在新碟中簽名作留念。	Sa基前日召開記者會宣布離婚，場面感動，大批圈中人也睇到眼濕濕。資料圖片

去年7月榮升「潮媽」的Kelly，提到8個月大的「蝦餃仔」劉昇即手舞足蹈，她說：「佢依家成25磅，抱佢都抱得好辛苦，醫生叫佢減奶Keep Fit。」

「佢哋感情真係好深」

另外，Ronald的前緋聞女友Stephy，力撐對方不花弗：「可能係佢拍戲嘅形象，我識佢本人唔覺得佢花心，睇得出佢哋感情真係好深！」她又透露看Sa基記者會時不禁眼濕濕：「好無奈，明白佢哋嘅心情，有時受外間影響，真係好難保留私隱！我覺得自己好Out，佢哋拍拖我都係好後期先知，佢哋都處理得好好，好冷靜！局外人唔適合加評論，畀啲空間佢哋。」Stephy又表示計劃公開婚訊與人同樂：「拍拖未必會講，始終太多人知會損害感情！但結婚會公開，因為定咗嗰個，都想同大家分享開心，去到邊都畀人查到，都係喺番香港結喇。」