十四歲被星探發掘入行的Melody，一直擔任兼職模特兒，去年更轉型做藝人，並成功藉模熱潮推出寫真而為人熟悉。雖然星途平穩發展，但對於事業心重的Melody來說，自評只值40分，離合格還有一段距離：「仲有太多進步空間！」

Melody雖然平日「大癲大肺」，但私底下甚懂得為自己打算。即將進軍樂壇的她近期除了積極練歌學舞外，還爭取時間惡補普通話及英語，希望日後能好好把握每個機會：「學普通話係為咗接受內地傳媒訪問時唔會口窒窒，學英文就係以防有外國人搵我做嘢時可以基本溝通到！我想做得好啲，唔想語言障礙而局限咗同任何人嘅溝通。」

為演藝事業付出不少努力的Melody坦言，當初入行時曾定下三年限期，假若期內發展不理想，將考慮轉行做幼兒教育工作者。問到是否因喜歡小朋友才作如此考慮？Melody指是因單親家庭的成長背景：「我覺得小朋友係一張白紙，人哋點教、佢哋就點吸收，所以教育佢哋嘅工作真係好重要。另一個原因係我自小喺單親家庭長大，令我更加體會到小朋友係好需要關心，我覺得做老師絕對可以幫到家長去關心小朋友……我相信如果我係老師嘅，會好明白佢哋諗乜。」

望搣甩「師妹」之名

由媽咪一手湊大的Melody坦言，與母親感情特別好，當初被星探發掘時，她亦第一時間拉着母親陪試鏡。每當她看到母親為她的事業擔心時，會感到分外難過：「其實我做咩媽咪都會支持我，所以佢從來冇反對過我入行，但有時見我為咗做嘢唔開心，佢就會好肉痛咁叫我唔好做，每次令我既感動又難過。」既然下定決心，問到所定的目標是甚麼？她甜笑地說：「我希望大家唔需要睇到『趙碩之師妹』或者同『Yumi（尹蓁晞）一齊推出寫真集個模』呢啲字眼先記得我係邊個，希望只要一睇到『陳若嵐』就知我係邊個。」

從是非中成長

身為大名娛樂旗下藝人的Melody，雖然入行未夠一年，卻比普通新人見得更多，單是同門的趙碩之與Yumi的是是非非，已令她獲益良多：「點睇是非？我覺得都幾得意o架！是非可以煲紅一個人，亦可以整死一個人！真係要好好拿捏同處理。見過咁多是非，學識要小心講嘢，但我比較直腸直肚，依家要諗清楚先講。」

Profile

姓名：陳若嵐（Melody）

三圍：32B、24、34

體重：45kg

高度：165cm

入行經過：14歲時被星探發掘後入行擔任兼職模特兒，其後轉戰娛樂圈成為模。