由雲翔執導、彭冠期、白梓軒與梁敏儀等主演的《安非他命》，早前代表香港出戰柏林影展，更獲選為今屆《香港國際電影節》的閉幕電影，無奈未能通過本地電檢，被要求剪去最重要的一場雞姦戲。台前幕後對此深感失望，導演堅持一刀不剪，並作最壞打算稱最多不在港上映，而男主角彭冠期則嘲笑香港是文化、藝術、體育及教育沙漠：「點解梁朝偉同湯唯套《色，戒》可以上？剪咗場戲，等於成個故事崩潰咗！」他表示為拍該場戲已盡了很大努力：「要喺臭坑渠拍，拍完喊咗3個鐘！全部人去消夜，我一個人行落山，行咗3個鐘，到依家仲有抑鬱！」