連續兩晚在又一城舉行、被譽為香港版「Tokyo Girls Collection」時裝騷的「Fashion Jungle,In Here.At Festival Walk」，前晚舉行首場即發生意外，Mandy Lieu在台上仆倒，老貓燒鬚；Jessica C.「警鐘胸」突然「放假」，穿上貼身裙的她「警鐘胸」邊大邊細，事後她說：「係呀！畀佢休息吓，係有一個唔見咗，One is missing！今日條裙比較窄，忍住道氣先拉到拉鏈。」她透露在米蘭工作的男友Sergio返港陪她過復活節，完騷後也趕着會男友。對於Mandy Lieu在台上仆倒，她自認只是行騷初哥，若發生在其身上，她可能會淚灑當場。

至於Mandy Lieu仆倒時是穿着靴，她解釋因鞋底太滑所致：「唔係仆到塊面都唔驚，以前行騷試過跣腳，但仆倒都係第一次，最緊要完成個騷，膝頭哥又紅又痛，不過唔使睇醫生，意外嘅嘢好難避免！（失戀失魂？）其實唔關事！我跌完之後，返後台都有提點其他模特兒。（打畀陳柏霖？）唔答你，冇乜事啦！」

Jessica C.的粉紅低胸裙，十分養眼！	林若亞不介意執瑞莎二攤，性感上陣行騷。	貝安琪擔任模特兒，示範新裝。

諸葛梓岐揚言養男友

前晚有份行騷的還有諸葛梓岐、Ana R.、貝安琪、汪圓圓、港姐何傲兒及台灣名模林若亞等。諸葛梓岐表示曾試過行騷時險跣腳和走光，並透露早前穿低胸裝出席活動後，男友薛嘉麟大讚美麗，還開玩笑地說：「男朋友冇開聲叫我唔好做養我，我要做嘢，不如我叫佢唔好做，等我養番佢仲好。」