陳奕迅（Eason）向來親民，有粉絲在YouTube上載Eason在個唱上任人摸Pat的片段，當時他走到觀眾席跟Fans握手，另一邊粉絲就拍他背脊示意想握手，Eason隨即趷籮讓粉絲拍打當握手，相當搞笑！前晚他更搞Gag說：「我喺英國讀書時見過人表演屁功 ，嗰個人好勁用屁聲奏咗《I Will Always Love You》，不過今日我食嘢太少，所以唔多屁。」
Eason舊愛楊千嬅前來捧場，上台送花兼送抱，觀眾大叫千嬅做丁太，Eason即笑說：「你哋叫佢楊小姐佢開心啲。」Eason又當眾向太太徐濠縈發表愛的宣言，有觀眾大叫：「徐濠縈！」Eason說：「唔好再叫佢啦！次次演唱會都叫，叫咗咁多年，佢今日冇嚟，有啲嘢唔使成日講出口，我已經將佢放喺呢度 （指住心口）。」
