白色情人節剛過去，單身一年的女歌手羽翹坦言「Dry Dry哋」，她說：「有人追，不過唔啱心水，好彩今年情人節撞正年初一，要開工唔怕寂寞！」她揚言要打破娛樂圈「毒咒」，並笑說：「呢行有個毒咒，就係事業同愛情好難兩全，希望今年可以打破。」她自言擇偶條件不高：「有Fashion Sense、心地好、有幽默感就得喇！」成功過三關的男士，分分鐘成為她的白馬王子，不過篤信星座的她特別抗拒獅子男及人馬男：「我係獅子座，同獅子男真係唔啱Key，而人馬座男仔就好花心！」

切忌公然補妝

羽翹在YouTube教化妝的頻道大受歡迎，今次她親自教授穩陣的紫色系晚妝：「我鍾意粉紅、粉紫色系，因為藍綠太激進，驚男仔唔接受。」若女孩在氣氛浪漫的餐廳與心儀男士共進晚餐，羽翹有少少貼士：「搽較深紅色嘅唇膏，感覺會隆重啲，餐廳燈光可能比較暗，眼角閃粉同唇彩都會令個人Sharp啲！」她不忘提點各位姊妹，切勿在男士面前補妝：「通常啲男仔唔鍾意，補妝最好入洗手間，食完飯之後，個嘴唔好搽太紅或太令，佢哋可能會驚咗，唔敢錫！」

閃眼紅唇Step By Step

將紫色眼影從眼尾凹位向眼窩中間推。	在眼頭位置塗上銀色閃粉。	均勻地搽上睫毛液。
掃上粉紅色胭脂。	塗上潤唇膏，最後添一層淺紅唇彩。