出名愛狗之人的唐寧，每月花費八千多元飼養家中的四隻寶貝狗，包括阿Boo、BB、豆豆及Yellow，她笑言由於花費大，所以遭經理人及家人勒令禁止再為「狗家庭」添新成員：「我每個月買衫都只係捨得用幾百蚊，反而買狗糧就幾多都肯畀，搞到畀經理人話我唔似女藝人，因為唔肯畀錢買衫，哈哈！為咗啲狗仔健康，我只會畀佢哋食有機狗糧，好彩最近有間有機狗糧公司贊助我，等我慳番啲錢，真係好多謝佢哋！」
眾多狗仔中，唐寧最疼錫Yellow，笑指牠十分有性格：「佢好鬼忠心，只要見到有人想掂我就會狂吠，不過佢都好有性格，如果我太耐冇返屋企，佢會唔睬我，要氹番㗎！」至於阿Boo則是她的拍照良伴，皆因牠甚有表演欲，每當見到鏡頭便會坐定定任影唔嬲，令她哭笑不得：「佢又嗲又識擺甫士，如果第時有機會，做狗明星都冇問題。」經常要返內地拍劇的唐寧，現時必定會帶備手提電腦傍身，作為與狗仔溝通的「橋樑」：「我一得閒就會用部電腦同啲狗仔傾偈，佢哋好開心o架！會不停咁吠。」
