岑潔儀大讚陳志雲金句精警：「陳生講嘢好叻、好幽默同充滿吸引力，可以做藝人捧紅自己！」她並透露已發短訊慰問涉案的無綫監製錢國偉：「佢叫我唔使擔心，仲話知道邊啲係真心朋友，作為朋友我一定支持佢，希望佢雨過天青！」而慘成「棄將」的張繼聰不欲多談志雲，問到是否封嘴？他說：「講咗出嚟唔知人哋會點演繹，都係講番自己工作！」另外，「天使」陳蕊蕊未有致電錢國偉，但有SMS對方：「佢覆我話OK，見佢話冇事我都安樂啲！（藍莓劉俐話同錢國偉唔熟？）我估佢唔係咁嘅意思。」她更否認錢國偉帶「天使」出席有酬勞的飯局。至於，袁彌明前日出席活動時，指志雲開記者會及出席港大講座是為了鞏固形象，認為港大不適合請他，又覺得他是「曝光狂」並非有「吉士」。