昨日莊思敏為法國婚紗攝影行騷，問到經常行婚紗騷會否破壞憧憬？她說：「唔會，依家有好多新款婚紗，不過我最想做Wedding Planner，但又覺得自己統籌婚禮會冇驚喜，所以我逼細妹做，佢游手好閒好耐，舊年畢業，依家仲未搵到工，我想佢報讀Wedding Planner課程，之後我會打本畀佢做生意，到時可以幫我哋幾姊妹籌備婚禮！」
至於剛與陳柏霖分手的Mandy Lieu則以春天婚紗代言人身份行騷，問到日前如何慶祝生日？她說：「做完嘢就一早返屋企，冇慶祝。（寂寞？）唔會，有工開就開心。（冇男仔約？）隨緣啦！（有冇人追？）冇呀！」她表示將到沙巴與布吉拍特輯，問到是否轉型？她說：「我行騷7年好Enjoy，總之有騷就行，有節目就拍。」