昨日祖兒、HotCha、衞蘭、泳兒及張智霖等出席《香港音樂滙展2010》舉行的「香港數碼音樂頒獎典禮」及「卡拉OK頒獎典禮」，祖兒共奪得10個獎項，成為大贏家！問到祖兒有否與甩拖的阿Sa聯絡？她說：「有打電話，不過佢冇聽冇覆，可能佢忙緊做嘢。（之前阿Sa有冇同你提過分手？）拍戲未埋位都有傾吓少女心事，感情事佢都交代過，佢同我交代嘅嘢，同交代畀你哋嘅嘢都一樣。（當時佢有冇喊？）交番畀當事人講，每段感情都值得珍惜，過去由佢過去，展望將來！」她透露與阿Sa合作拍攝《翡翠明珠》時，已有談及此事，並稱阿Sa心情未受影響，她說：「感情事成日擺上枱畀人討論係好慘，作為好朋友會支持佢，唔好問咁多。（你會唔會揀花弗男？）知道係花弗梗係唔揀！」仍然抱恙的祖兒昨日帶病上陣，她透露由本月7日開始病，笑言十年來的病痛「發晒出嚟」。

憑慢歌奪獎的HotCha，希望快歌也得到認同。

衞蘭透露跟妹妹衞詩已信奉基督教。

衞蘭衞詩同信教

同場的衞蘭對於妹妹衞詩不時被拍到與不同男伴出街，她表示自妹妹從日本回來後，兩人已信奉基督教：「我哋去嗰個基督堂有好多男仔、女仔朋友，唔好誤會，不過妹妹信咗基督教之後唔介意人哋點諗。我哋五月會受浸。」