對於首次當主席，家輝謙虛地說：「我唔稱職呀！個個評番都習慣獨立做嘢，大家未集埋一齊，好彩投票冇出現爭持不下嘅情況。」身為本港電影人的他強調評分時絕不偏私。對於有指大會拖欠20萬元製作費，家輝解釋：「畀咗5萬訂金，尾數要等節目完咗先計，咁都唔係欠錢。（怕影響大會形象？）要傳媒減低負面報道。」他又透露早前與當年合作拍《情人》的導演聯絡，得悉對方將開拍新戲，而他曾閱讀相關小說，笑言角色適合他。

此外，就拖欠製作費一事，公關方面表示是誤會一場，日內他們將發聲明以正視聽。