前晚JOYCE為聯合國兒童基金會（UNICEF）舉行慈善活動，張曼玉、楊千嬅、黃耀明、謝婷婷、蘇永康及小美等均有出席，並邀得潘迪華任演唱嘉賓。現場展出著名國際品牌Rodarte設計師Kate及Laura Mulleavy根據曼玉電影作品《花樣年華》、《英雄》、《錯過又如何》及《東方三俠》設計而成的四套新裝，並將作拍賣籌款，曼玉對其中一套採用了大量SWAROVSKI ELEMENTS TM的服裝特別有Feel，並說：「勾起好多當年拍戲嘅回憶」。

曼玉（右二起）與Rodarte設計師Laura及Kate在活動上碰頭。

取材自張曼玉電影作品《東方三俠》設計而成的新裝，甚具特色。

一臉春風的曼玉被問到男友Ole是否已求婚，她說：「冇，拍拖唔一定即刻講結婚，而且我都結過啦！想結時咪結，但暫時冇計劃。」她又透露今次留港約四、五日：「冇特別嘢做，探吓朋友，男友長駐北京工作，但我間中都有返香港，只係冇去公開活動。（享受拍拖唔拍戲？）再睇啦！我從冇離開過電影，不過近排就迷上咗音樂，作曲、作詞、唱埋，作品唔多，玩吓啦！」

愛上音樂的曼玉，很高興認識到一班不計較酬勞的音樂朋友，但就直言後悔小時候沒有學樂器，並說：「拍戲好辛苦，最怕拍完做訪問，都唔係我專長。我好享受做音樂，同朋友Lalala就作到首歌，填到好詞好有成就感。（出碟？）冇諗咁長遠，或者放上網畀人下載。（男友點評你嘅作品？）佢話OK，仲鼓勵我添！」

千嬅鍾意老公批評

同場的楊千嬅甫現身，有份擔任活動公關的丈夫丁子高即不見人，千嬅說：「梗係，老婆萬歲！又唔係雙CD單碟價（意指夫妻檔工作）！四月我會去非洲探訪，要打五支防疫針。（老公都去？）佢好多嘢做，我話畀飛佢睇《志明與春嬌》，佢話要嗌齊班朋友買飛捧場，佢睇戲好多批評o架！不過我好鍾意，講得有道理我會聽！」

丁子高與楊千嬅兩公婆前後腳出席同一活動，未有合照。

放大圖片