陳奕迅（Eason）一連18場《DUO陳奕迅2010演唱會》昨晚在紅館開鑼，吸引何韻詩、容祖兒、劉浩龍、梁漢文、何超儀、余文樂與黃偉文等捧場，除太太徐濠縈及囡囡康堤外，Eason老竇陳裘大亦有現身，更與祖兒雞啄唔斷。

Eason向來Taste獨特，連舞蹈員造型亦特別科幻。

憶起哥哥勸戒煙的往事，Eason忍不住淚流披面。

舞台以多個巨型齒輪砌成，為配合主題「雙面」，Eason穿上鴛鴦西裝出場，一口氣唱出3首歌曲，期間數度甩嘴及唱錯歌詞，難怪他笑着搖頭，當奏出謝安琪歌曲《囍帖街》的前奏時，全場High爆起哄！Eason坦言每次開騷都心情興奮：「今次興奮到喊，因為參與咗好多嘢，唔係代表咁樣叻啲，只係知道各部門做緊咩，會入心啲！」

Eason罕有地彈結他自彈自唱，贏盡掌聲。	Eason倚在扭曲的時鐘上獻唱，十分有Feel。	何韻詩（中）偕前緋聞男友劉浩龍及好友容祖兒睇騷。

勸戒煙保靚聲

有「水王」之稱的Eason承認愛說話，更笑說：「我鍾意講嘢多過唱歌。」他憶起當年在電台後花園吸煙時，巧遇哥哥張國榮，他說：「食煙會影響健康，有次喺電台花園食煙，後面有把沙聲同我講：『我都戒到煙，你都戒啦！你把聲咁靚，要錫住把聲。』當時我呆咗，冇畀反應呢位前輩，唔知點應對，我依家好後悔！」他說罷即嗚咽地說：「哥哥，你身體好嗎？」並淚流滿面地唱出哥哥的《寂寞夜晚》，場面令人動容。