小小So打滾咗幾廿年，睇到好多藝人嘅真面目，好似未紅先驕同紅咗唔識人等，所以外界都會覺得娛樂圈係一個大染缸同冇個好人！不過，小小So就唔係咁認同外界嘅講法喇！因為有好多歌手都好重人情味，好似入咗行十年嘅方皓玟咁，久唔久都會打畀小小So傾吓偈，有時仲會請小小So食飯添！非常有心！
之前方皓玟加盟新唱片公司嗰陣，都有問小小So意見，鍾意自由嘅佢，當然得到小小So支持啦！小小So叫佢唔好急，始終呢行好講運氣，千祈唔好氣餒，點知佢反安慰小小So唔好咁擔心，因為佢對未來條路充滿信心，話會好好把握機會，仲話就算只得一位知音人，佢都會繼續唱，呢種堅持令小小So感動到差啲喊出嚟！
