有「E Cup Baby」之稱的劉欣宜（Miyoko），雖然入行短短年多，但已有粉絲為她成立Fans Club，令她感到十分榮幸：「好Surprise有人幫我搞Fans Club，仲成日送好多禮物畀我！我一入行就有Fans送咗隻熊仔畀我，因為啲毛質好滑同好暖，我依家日日都攬住佢瞓o架！入行之後，我遇到唔開心嘅事都會同佢講，成日畀媽咪笑我傻咗，好搞笑！」
問到是否特別喜愛熊仔？Miyoko笑說：「可能因為初戀男友叫熊仔啦！所以一直對熊仔有情意結！送公仔之外，Fans好鍾意送零食，佢哋話怕我做嘢肚餓，有時又會送好多名牌，不過我叫佢哋唔好咁破費，少少禮物就冇所謂，太貴就唔好喇！」
