美國前衞大師Jeremy Scott的設計向來怪誕，充滿幽默感，與adidas Originals自09年春夏交叉合作而成的adidas Originals by Originals大受歡迎，當中的「比翼雙飛」波鞋更熱爆全城，陳奕迅（Eason）與謝安琪更因此而撞鞋，被指穿緋聞情侶鞋。

周柏豪及楊愛瑾結伴捧Jeremy場。	大批紅星潮拜Jeremy，其中黃偉文更獲欽點陪坐。	Jeremy Scott攬實徐濠縈合照。

今個春夏是交叉合作的第三炮，為隆重其事，品牌邀請Jeremy Scott來港，前晚舉行《adidas Originals by Originals Jeremy Scott訪港之旅酒會》，吸引Eason、徐濠縈、Wyman、周柏豪及楊愛瑾等撐場，酒會中Jeremy更化身人肉布景板任人合照，與Eason及Wyman合照時更擺出不同甫士。Wyman表示第二次與Jeremy見面，笑言大家物以類聚：「又喪又癲嘅人最啱我！幾年前佢嚟過香港，我同阿徐仲搵佢喺波鞋度簽名，今次又有緣同佢見面，佢竟然話上次訪港見過我！而阿徐就話上次冇搵佢簽名，佢哋真係搞到我癲咗，我返屋企要搵番我哋嘅合照，證明我冇錯！」

專人空運新裝上門

Wyman讚Jeremy很Nice，還自爆獲對方賞識，被欽點陪坐：「佢哋專登運嚟今個秋冬系列畀我着，仲送到我屋企，全世界仲未有人着過，我預支咗半年後嘅潮流！Jeremy本身都係着春夏設計出席酒會！我估唔到佢叫我坐隔籬，我哋全程雞啄唔斷，仲交換電郵！」