徐淑敏去年與黃浩結婚，前晚為黃家添新成員，於養和醫院剖腹誕下七磅女嬰，昨午十二時許，黃浩父親到醫院探新抱，黃母則因外遊未有陪伴。整晚留在醫院陪太太的黃浩，透露BB女英文名是Vianna，中文名則未改，會請楊天命及麥玲玲看BB後才作決定，楊天命則指BB好聰明、會嫁好老公亦會旺老竇。

放大圖片	放大圖片	放大圖片
Vianna樣子精靈，一時單眼、一時伸脷，逗得父母開心不已。

問到Suki的情況，黃浩說：「我同太太尋晚只係瞓咗三個鐘，心情好緊張，太太餵母乳，只可以食粥水，冇咩胃口，我哋睇過BB兩次，我第一次抱BB時，佢睜大眼望我，我感動到喊，再抱佢佢就笑。（BB似邊個？）好多人話似媽咪。（獎勵太太？）我決定一個月後同佢去日本食壽司，因為佢最想食壽司同腸粉。」為滿足太太，前晚半夜他竟偷偷買叉燒腸粉到醫院。

契媽輪住探望

上圍升至G Cup的Suki，首次餵母乳相當順利，黃浩亦讚太太身材弗過以前：「佢個肚仲凹過未有BB嗰陣，依家希望一年後再追個仔。」

BB契媽呂慧儀及沈卓盈，以及楊天命、陳沛嘉昨日先後到醫院探望Suki，呂慧儀說：「BB好精靈，兩個都似，依家諗緊送咩禮物。」沈卓盈則表示之前已陪Suki買BB搖床送給契女。