連開五場的《THE BIG FOUR世界巡迴演唱會─香港站》前晚圓滿結束，張衞健（Dicky）不忿被許志安、蘇永康及梁漢文指摘「揸流攤」，有傷在身的他重演當年參加《新秀》時的側手翻、蜈蚣彈及凌空一字馬，雖然搞到假髮飛脫，但他仍開心大叫：「老婆我有心有力呀！」四子在台上大談兄弟情，安仔感觸眼濕濕，要好友互抱安慰，情緒高漲的他還跳入觀眾席，險錫到無綫高層樂易玲的面。
譚詠麟和李克勤擔任嘉賓，克勤更當眾揶揄無綫：「你哋咁大膽請我哋做嘉賓，電視台唔會播喎！」Dicky笑住爆和克勤有淵源：「當年一齊做港姐外景嘉賓，一齊『溝』盧淑儀，但結果畀克勤『溝』咗，我惟有轉『溝』盧敏儀。」慶功宴上，有傳因安仔九月開個人演唱會，故BIG FOUR未能再開Part 2，三位好兄弟代安仔澄清：「唔關安仔事，只係紅館冇檔期，我哋八月再做巡迴。」蘇永康、Dicky及梁漢文大方承認另一半捧場，安仔卻拒公開女友Michelle身份，據知前晚Michelle匿在後台，而曾與安仔傳緋聞的韓紅更到後台送花。
