17/03/2010

播放本新聞相關短片

呂慧儀黃宗澤冇送厚禮冧高層

有指無綫女高層收藝人名貴手袋,黃宗澤及呂慧儀昨日出席新劇造型時均強調沒有送袋,呂慧儀說:「我都冇能力買咁貴嘅嘢!(有冇送過畀高層?)送過畀朋友,但冇送過畀高層囉!」她又透露尚未接到經理人公司通知要到廉署助查。向來喜歡飲紅酒的黃宗澤表示,只會於大時大節送紅酒或香檳給大家暢飲一番。他透露沒有接受廉署調查,亦沒有被壓價:「從來接Job都唔知邊間公司同唔問價錢,對經理人好信任!」

此外,對於陳志雲涉貪被捕,蘇玉華昨日出席活動時坦言感震驚:「佢係我老闆,但唔熟。(送禮畀高層?)我好遲鈍同白癡,唔會送禮畀人,只會送畀阿媽!」