吳卓羲：未被廉署邀請助查喎！（被壓價？）冇，因為我係經理人合約，公司搞掂晒先話個價錢畀我知，印象中亦冇接過叢培崑公司嘅騷。（TVB氣氛點？）冇咩異樣。

周柏豪：未飲咖啡呀！有報道話有份做澳門《翡翠歌星賀台慶》嘅歌手都要查問，所以好緊張！我冇聽過「思潮」個名，應該未合作過，亦唔知叢培崑係陳志雲助手，但喺台慶騷後台見過佢，佢仲搵我影合照添！（歌手得一百蚊酬勞？）唔清楚！

洪杰：ICAC暫時未接觸我，反而舊同學話我知寧進係佢同校師兄，但佢唔識對方！（被壓價？）公司接Job，有都唔知啦！

導演劉偉強：曾經上過《志雲飯局》做嘉賓，之後都冇聯絡！（愕然？）件事畀人搞到娛樂新聞咁，唔想認真去考究！

周慧敏：我同錢生（錢國偉）識於微時，陳生（陳志雲）就係電台前輩，佢為人幾友善，希望佢哋冇事！（致電問候？）冇佢哋電話。」