前日有報道指一名女藝人向廉署揭發電視台黑幕，並自薦為廉署「放蛇」，將印有記號的禮物送給高層，但廉署認為做法有違法規及程序而拒絕。無綫藝員李詩韻及唐詩詠昨日異口同聲認為報道相當誇張，李詩韻說：「公司咁多人要返工拍劇，個個都唔夠瞓同好攰，仲邊有心情去『放蛇』，得閒都瞓多陣啦！」唐詩詠則表示正常人不會去「放蛇」，更笑言報道中的「橋段」十足電視劇。而廖碧兒表示不清楚報道所指，並認為在這段感敏時期，不少報道只為娛樂大眾，難分真假。
至於袁彌明則持相反意見，認為「放蛇」不足為奇：「有啲人送完禮仲會自爆，以前都聽埋唔少！（相信有人送禮畀高層？）呢啲係公開嘅秘密，不過呢啲行為行行都有！（慶幸及早抽身？）鬼地方早走早着，要我送禮，下世啦！送畀嗰啲高層，買手袋送畀阿媽好過！」而無綫外事部副總監曾醒明表示不回應「放蛇」傳聞。