15/03/2010

播放本新聞相關短片

Theresa計劃生夠3件

本文重點
有顆「恨嫁的心」的傅穎(Theresa),在白色情人節自爆有追求者,並揚言已為未來打算,計劃生三個BB!

穿上短裙的Theresa,昨日應邀出席《「黃金海岸3.14謝謝你的愛」慶祝白色情人節》活動,出席嘉賓還有信和集團租務部副總經理田兆源、信和物業管理有限公司(商場推廣)總經理蘇蔡潔蓮、香港黃金海岸酒店酒店經理韓鵬程與香港黃金海岸總經理黃錦棠。席上,三對準父母宣讀愛的宣言,令Theresa感動得笑說:「我都要快啲結婚Sweet!」她希望明年有個浪漫情人節,更承認目前有追求者:「睇定啲先!識咗唔係好耐,但追咗一段時間,都係唔講咁多喇!」

提到終身大事,寧缺莫濫的Theresa坦言怕傷心,希望找個可付託終身的心靈伴侶,還已定下未來計劃,打算生三個小孩:「有相士話我會有三個細路!(追求者喺白色情人節有冇表示?)冇!之前情人節冇乜實質嘛!」

「飛碟」險再現

另外,Theresa的短裙在台上兩度被大風吹起,嚇得她急急按實裙腳以免走光,她笑說:「我都不知幾擔心!(有冇打底?)有!着番上次嗰條,其實上次嗰條係打底褲,係攝住咗先覺得似底褲。」她還透露最近埋頭苦幹炮製新繪本散文:「晚晚捱通宵,搞到個樣殘殘哋。」

音樂組